एजेन्सी । हमासले शनिबार ४ महिला इजरायली सैनिकलाई रिहा गरेको छ । उनीहरु विगत १५ महिनादेखि बन्धक थिए । गत अक्टोबर ७ मा नहल ओज विमानस्थलबाट अपहरण गरिएका ७ महिला सैनिकमध्ये यी हुन् ।
यहाँबाट गाजाका गतिविधिमाथि महिला सैनिकहरूले नजर राख्थे । रिहा हुनेमा करिना एरिभ, डेनिएला गिल्बोआ, नामा लेवी र लिरी अल्बाग रहेका छन् ।
हमासले उनीहरुलाई सामाजिक संस्था रेडक्रसलाई हस्तान्तरण गरेको हो । ५ वटा गाडीमा दक्षिणी इजरायलको शिविरमा ल्याइयो । त्यसपछि उनीहरुलाई इजरायल डिफेन्स फोर्स (आईडीएफ)लाई सुम्पिएको थियो ।
यसको बदलामा इजरायलले २ सय प्यालेस्टिनी बन्दीलाई रिहा गरेको छ । यसअघि जनवरी १९ मा हमासले तीन इजरायली महिला बन्धकलाई रिहा गरेको थियो । यसपछि इजरायलले एकै दिन ९० प्यालेस्टिनी बन्दीलाई रिहा गरेको थियो ।
