ताप्लेजुङ। जिल्लाको फुङलिङ नगरपालिका–११ मा रहेको पाथीभरा क्षेत्रमा केबलकार निर्माणको विरोधमा उत्रिएको ‘नो केबलकार समूह’ र प्रहरीबिच भएको झडपमा २५ जना घाइते भएका छन् ।
शनिबार बेलुका करिब ६ बजे भएको झडपमा २५ जना घाइते भएका हुन् । स्थानीय प्रशासनको अनुसार प्रहरी इन्स्पेक्टर रोहित शर्मासहित १२ जना र सशस्त्र प्रहरीका ९ जना तथा नो केबलकार समूहका ४ जना घाइते भएका छन् ।
पाथीभरा जाने केबलकार निर्माणका लागि निर्माण कम्पनीले मंगलबारबाट काम सुरु गरेपछि तनाव सुरु भएको थियो । पाथीभरा क्षेत्रको पहिचान मासिने भन्दै ‘नो केबलकार’ समुहले आइतबारबाट थप आन्दोलन गर्ने तयारी गरेको थिए ।
सोहिक्रममा, शनिबार पाथिभरा क्षेत्रको बलुडाडामा प्रहरी पुगेपछि आन्दोलनकारीले ढुंगामुडा गर्दा दुई पक्षबिच झडप भएको थियो । त्यसक्रममा प्रहरीले १२ सेल अश्रुग्याँस र केही गोली हानेको थियो ।
प्रहरीको गोली लागेर आन्दोलनरत पक्षका यमबहादुर लिम्बू र धर्मान पालुङ्वा घाईते भएका छन् । यस्तै, एकजनाको भाग दौडको क्रममा खुट्टा भाचिएको छ । उनीहरुको नोबेल अस्पतालमा उपचार भइरहेको छ ।
