काठमाडौँ। नेकपा (माओवादी केन्द्र) सम्बद्ध विद्यार्थी संगठन अखिल (क्रान्तिकारी)को नेतृत्व चयनका लागि भएको चुनावको मतगणना सुरु भएको छ।
लुम्बिनी प्रदेशबाट प्राप्त भएको मतगणनाको विवरणमा विजय सापकोटालाई सुरुवाती अग्रता मिलेको छ। अहिलेसम्म ४० मत गन्दा अध्यक्षमा सापकोटाले २२, हेमन्त राइले ११, सुदिन पौडेलले २ र उपदेश यादवले शून्य मत पाएका छन्। ५ मत बदर भएको छ। लुम्बिनीमा कुल १९४ मत खसेको छ।
अखिल क्रान्तिकारीमा अध्यक्षका लागि उपदेशकुमार यादव, सुदिन पौडेल, हेमन्त राई र विजयप्रकाश शर्मा प्रतिस्पर्धामा छन्। चारै जनालाई माओवादीको केन्द्रीय पदाधिकारी तहका छुट्टाछुट्टै नेताहरुको समर्थन छ।
अध्यक्षका उम्मेदवार उपदेश यादव वरिष्ठ उपाध्यक्ष नारायणकाजी श्रेष्ठ, विजय प्रकाश सापकोटा उपमहासचिव शक्ति बस्नेत, सुदिन पौडेल उपमहासचिव वर्षमान पुन र हेमन्त राई उपमहासचिव जनार्दन शर्मानिकटका हुन्।
