काठमाडौँ । अदालतले नक्कली शैक्षिक प्रमाण पत्र पेस गरी बढुवा भएका कर्मचारीलाई ६ महिना कैद र १० हजार रुपैयाँ जरिवाना सुनाएको छ ।
बिहीबार विशेष अदालतका अध्यक्ष टेकनारायण कुँवर, न्यायाधीशहरू मुरारीबाबु श्रेष्ठ र विदुर कोइरालाको इजलासले नक्कली शैक्षिक प्रमाण पत्र पेस गरेका बीपी मेमोरियल क्यान्सर अस्पतालमा कार्यरत मनसुन नेपाललाई यस्तो फैसला सुनाएका हुन् ।
मनसुन नेपालले ०७८ चैत २१ मा बढुवा प्रयोजनका लागि एसएलसी उत्तीर्ण भएको प्रमाणपत्र पेस गरेका थिए । उनले पेस गरेको शैक्षिक प्रमाणपत्र राष्ट्रिय परीक्षा बोर्ड, परीक्षा नियन्त्रण कार्यालयले ‘नट भेरिफाइड’ भनी पत्रअनुसार जानकारी गराएको देखिएको अदालतले फैसलामा उल्लेख गरेको छ ।
यससँगै, अदालतले नेपाललाई अपराध पीडित संरक्षण ऐन, २०७५ को दफा ४१ को उपदफा (३) बमोजिम ४०० रुपैयाँ क्षतिपूर्ति बुझाउन समेत आदेश दिएको छ ।
