काठमाडौं । क्रिकेटर सन्दीप लामिछानमने शल्यक्रिया सम्पन्न भएको छ । बालाजुस्थित सिल्भरलाइन अस्पतालमा उनको बुधबार शल्यक्रिया भएको हो । लामिछानेको राइट डाइरेक्ट इङ्गुइनल हर्नियाको टोटल एक्स्ट्रा पेरिटोनियल (मास रिपेयर) गरिएको अस्पतालले जनाएको छ ।
लामिछानेको शल्यक्रिया डा दीपक शर्मा नेतृत्वको टोलीले गरेको अस्पतालले जारी गरेको विज्ञप्तिमा उल्लेख छ ।
क्रिकेटर लामिछानेको उक्त शल्यक्रिया केही समय पहिले नै गर्न चिकित्सकहरुले सुझाव दिएका थिए । तर, व्यस्तताका कारण उनले शल्यक्रियाका लागि समय निकाल्न सकेका थिएनन् ।
पछिल्लो समय समस्या बढ्दै गएपछि उनले फुर्सदको समय पारेर शल्यक्रिया गराएका हुन् । शल्यक्रियामा सन्दीपलाई पुरै बेहोश बनाइएको थियो ।
सन्दीप ४/५ दिन अस्पतालमा बस्नुपर्ने अस्पतालले जनाएको छ । उनी कम्तिमा एक महिना मैदान बाहिर रहने छन् ।
