काठमाडौँ । पाँच पटकको ग्राण्डस्लाम च्याम्पियन इगा स्विटेक अमेरिकाकी एम्मा नाभारोलाई सहजै हराउँदै अस्ट्रेलियन ओपनको महिला एकलको सेमिफाइनलमा प्रवेश गरेकी छन् ।
अर्की अमेरिकी टेनिस खेलाडी म्याडिसन कीज पनि महिला एकल प्रतियोगिताको सेमिफाइनलमा पुगेकी छिन् ।
योसँगै महिला एकलको सेमिफाइनलको टुंगो लागेको छ । पहिलो सेमिफाइनलमा विश्व नम्बर १ आर्याना साबालेन्का र स्पेनकी पाउला बडोसाबीच प्रतिस्पर्धा हुनेछ । दोस्रो खेल स्विटेक र कीजबीच हुनेछ ।
स्विटेकले क्वाटरफाइनल खेलमा नाभारोमाथि सहज जित दर्ता गरेकी थिइन् । उनले पहिलो सेट ६–१ र दोस्रो ६–२ ले जितिन् । स्विटेकले २३ जनवरी अर्थात भोलि सेमिफाइनलमा कीजसँग प्रतिस्पर्धा गर्नेछिन् ।
यस्तै, २४ पटकका ग्राण्डस्लाम च्याम्पियन सर्बियाका नोभाक जोकोभिच मंगलबार अस्ट्रेलियन ओपन २०२५ को सेमिफाइनलमा प्रवेश गरेका छन् ।
टेनिस ओलम्पिक च्याम्पियन जोकोभिचले पुरुष सिंगल्समा तेस्रो वरियताका स्पेनका कार्लोस अल्काराजलाई चार सेटको खेलमा पछि पार्दै पराजित गरेका हुन् ।
टेनिसमा ४ वटा ग्रान्ड स्लाम छन्स । बै चार वर्षमा खेलिन्छन् । यो जनवरीमा अस्ट्रेलियन ओपनबाट सुरु हुन्छ । फ्रेन्च ओपन मेमा खेलिन्छ, त्यसपछि विम्बल्डन जुलाईमा लन्डन, इङ्गल्याण्डमा हुन्छ । यूएस ओपन सेप्टेम्बरमा हुन्छ, यो वर्षको अन्तिम ग्रान्ड स्लाम हो । चारै प्रतियोगिताको ऐतिहासिक मान्यता फरक छ । सन् १८७७ मा सुरु भएको विम्बल्डन सबैभन्दा पुरानो ग्रान्ड स्लाम प्रतियोगिता हो ।
