काठमाडौँ। फागुनको १४ गतेबाट प्रदर्शनको तयारीमा रहेको चलचित्र ‘मायावी’को नयाँ गीत ‘सितारा जडेको’ सार्वजनिक भएको छ ।
गीतमा दीक्षित पौडेल र समिरा थपलियाको स्वर, शम्भुजित बास्कोटाको संगीत, दयाराम पाण्डे र दिवाकर भट्टराई को शब्द रहेको छ । गीतको भिडियोमा फिल्मका शीर्ष कलाकार पल शाह, दीपिका प्रसाईं र नव-अभिनेता समिम खान फिचर्ड छन्।
गीतले बिहेको बिदाइको पललाई भावुकताका साथ वर्णन गरेको छ । यस फिल्मको दुई वटा गीत यसअघि नै सार्वजनिक भइसकेका छन् । यस फिल्ममा पल शाह, दीपिका प्रसाईं र नव-अभिनेता समिम, लक्ष्मी गिरी, अंशु महर्जन, रवि डंगोल, रमा प्रसाईं, दीपेन्द्र सिम्खडा, संगीता सिलवाल लगायतका कलाकारहरुको पनि अभिनय छ ।
दिवाकर भट्टराईको लेखन तथा निर्देशन रहेको छ भने क्रिएटिभ सिने आट्र्स प्रा.लिको प्रस्तुतिमा फिल्म बनेको हो। यसको निर्माता ध्रुव न्यौपाने, राज कटुवाल र चन्द्र पन्त हुन्। कार्यकारी निर्माता प्रवीण भट्टराई, करण सिंह छन् भने सह–निर्माता मञ्जु भण्डारी, राजु पराजुली, सुमित ओली हुन्।
