काठमाडौं । आईसीसी अन्डर–१९ महिला टी–२० विश्वकपमा आज नेपालले स्कटल्यान्डसँग प्रतिस्पर्धा गर्दै छ । विश्वमा यो नेपालको दोस्रो खेल हो । माघ ५ गते पहिलो खेलमा बंगलादेशसँग ५ विकेटले पराजित भएको नेपाल आज दोस्रो खेलमा स्कटल्याण्डलाई पराजित गर्ने योजनामा छ ।
मलेसियामा जारी प्रतियोगिताको यो खेल दिउँसो १२:१५ बजे सुरु हुनेछ । विश्वकपमा नेपाल समूह ‘डी’ मा परेको छ । योसमूहमा बंगलादेशसँगै अस्ट्रेलिया र स्कटल्याण्ड छन् ।
विश्वकपको समूह ‘ए’ मा आयोजक मलेसियासहित भारत, श्रीलङ्का र वेस्ट इण्डिज छन् भने समूह ‘बी’ मा इङ्ग्ल्याण्ड, आयरल्याण्ड, पाकिस्तान र अमेरिका छन्। समूह ‘सी’ मा न्यूजील्याण्ड, समोआ, दक्षिण अफ्रिका र नाजेरिया छन् ।
पूजा महतोको कप्तानीमा नेपाली टिम विश्वकप खेल्न मलेसिया पुगेको हो ।
नेपालको समूह चरणको अन्तिम अर्थात् तेस्रो खेल माघ ९ गते अस्ट्रेलियासँग खेल्ने छ ।
