काठमाडौँ । गायिका समीक्षा अधिकारी अहिले महोत्सवहरुमा प्रस्तुति दिनमा व्यस्त छिन् ।
आइतवार पनि उनी आफ्नो प्रस्तुति दिनका लागि बिहान आठ बजे नै काठमाडौंको विमानस्थलमा पुगिसकेकी थिइन् । तर उनले विमानमा यात्रा गर्न भने पाइनन् ।
उनले कुन ठाउँमा प्रस्तुति दिन जान लागेको भन्ने बारेमा स्पष्ट नखुलाए पनि उनको स्टाटसले उनी नेपालगन्जमा प्रस्तुति दिन जान लागेकी हुन् कि भन्ने बुझिन्छ ।
उनले फेसबुकमा लेखेको स्टाटसमा केहि समय अगाडि पनि आफू श्री एयरलाइन्स कम्पनिकै कारण नेपालगञ्जको आफ्नो कार्यक्रम नै छुटाउनु परेको कुरा बताएकी छिन् ।
आज पनि उनलाई त्यस्तै अवस्था आएको छ । समीक्षालाई आठ बजे नै एयरपोर्ट पुग्नु थियो र उनी एयरपोर्ट पुगिन् पनि तर प्लेन दुई बजे मात्रै उड्ने खबर आयो । जब बिहान आठ बजेको प्लेन दिउँसोको दुई बजेमात्र उठ्छ भन्ने जानकारी गराइयो, तब समिक्षाले एयरपोर्टबाट नै एउटा स्टाटास लेखेर आफू लगायत धेरै यात्रु एयरपोर्टमा अलपत्र परेको बताइन् ।
मौसम सफा भइसक्दा पनि श्री एयरलाइन्सले आफूहरुलाई अलपत्र पारेपछि उनले उक्त स्टाटसबाट आक्रोश पोखेकी हुन् । उनले अन्य प्लेन धमाधम उडेपनि श्री एयरलाइन्सले भने दुई बजेमात्र उडान भर्ने जानकारी दिएपछि उनी ओक्रोशित बनेकी हुन् ।
समीक्षाले फेसबुकमा लेखेकी छन्–
मौसम खराबीले उडान प्रभावित हुनु त स्वाभाविकै हो तर एयरपोर्ट खुलिसक्दा पनि बिहान ८ बजेको प्लेन अब दिउँसो २ बजे मात्रै उड्छ भन्दै श्री एयरलायन्सले यात्रुलाई एयरपोर्टमै अलपत्र पारेको छ। अन्य एयरलायन्सले धमाधम प्लेन उडाईरहेका छन्।
केहि दिनअघि पनि मैले यहि एयरलायन्सबाट धोका पाएपछि नेपालगञ्जको कार्यक्रम नै छुटाउनु परेको थियो। आज पनि म बिहानैदेखी काठमाडौं एयरपोर्टमै छु। श्री एयरलायन्सबाट धोका पाउने म पहिलो पात्र पक्कै होईन। यस्तो घटना कि त अन्य एयरलायन्ससंग कमिसन खाने कर्मचारीले घटाउछन्, कि त यो एयरलायन्स काम छैन।
