काठमाडौँ । इंग्लिस प्रिमियर लिग फुटबलमा शीर्षस्थानको लिभरपुलले जित निकालेको छ । गएराति भएको खेलमा लिभरपुलले ब्रेन्टफोर्डलाई २–० गोलले हराएको हो ।
लिभरपुलको जितमा दुबै गोल डार्विन नुनेजले गरे । उनले खेल सकिन लाग्दा इन्जुरी समयमा दुई गोल गर्दै लिभरपुललाई महत्वपूर्ण जित दिलाए ।
जितसँगै लिभरपुलले अंकदुरी समेत बढाएको छ । २१ खेलबाट उसको ५० अंक छ । दोस्रो स्थानको आर्सनलको २२ खेलबाट ४४ अंक छ । यस्तै, ब्रेन्टफोर्ड २८ अंकका साथ ११ औं स्थानमा छ ।
