भोजपुर। भोजपुरको पूर्वी पौवादुङमा गाउँपालिकाको केन्द्र च्याङग्रे रङ्गशालामा जारी दोस्रो आमन्त्रित गोल्डकप फुटबलअन्तर्गत आज भएको पहिलो खेलमा अलस्टार फुटबल क्लब धरानले देउराली फुटबल क्लबलाई ४–१ गोलले पराजित गरेको छ ।
अलस्टारका राकेश राई, उत्कस कुँवर र आचल लिम्बूले गोल गरे। दोस्रो खेलमा कोटकालिका फुटबल क्लबले आम्तेक–११ फुटबल क्लबलाई ५–० गोलले पराजित ग¥यो । कोटकालिकाका लागि कमल खवास, रिचार्ड बिल्सनले १-१ एक गोल गरे भने अमिर बेश्राले ह्याट्रिक गरे ।
ती दुवै खेलका विजेता टिम सेमिफाइनल प्रवेश गरेका छन् । गाउँपालिका खेलकुद विकास समिति, पौवादुङमा, भोजपुरको आयोजनामा जारी प्रतियोगिताको विजेताले उपाधिसहित नगद तीन लाख हात पार्नेछ भने उपविजेताले रु दुई लाख प्राप्त गर्नेछ ।
फाइनल खेल यही माघ ९ गते हुने आयोजकले जनाएको छ । गत वर्षदेखि सुरु प्रतियोगिताको दोस्रो संस्करणमा १२ टिमको सहभागिता रहेको छ ।
