काठमाडौं । अनसनरत डा गोविन्द केसीलाई भेट्न नेपाली काँग्रेसका नेता अर्जुन नरसिंह केसी अनसनस्थल पुगेका छन् । चिकित्सा क्षेत्रसँग सम्बन्धित विभिन्न माग राख्दै त्रिवि शिक्षण (टिचिङ) अस्पतालमा अनसनरत डा केसीको स्वास्थ्य अवस्थाप्रति चासो राख्दै नेता केसी अनसनस्थल पुगेका हुन् ।
नेता केसीलाई भेट्दै डा केसीले उपचारको नाममा आफूलाई अपहरणको शैलीमा ट्रमा सेन्टर लगिएको भन्दै आपत्ति जनाए । उनले माग पुरा नभएसम्म अनसन नतोड्ने समेत बताए ।
डा केसीको स्वास्थ अवस्था बुझ्न केसीको साथमा नेपाली काँग्रेस नुवाकोटका सभापति जगदिश्वर नरसिंह केसी, चिकित्सक संघका पूर्वअध्यक्ष डा केदार नरसिसिंह केसीलगायत टिचिङ अस्पताल पुगेका थिए।
