मुम्बई । बलिउड अभिनेता सैफ अली खानमाथि बिहीबार चक्कु प्रहार भएको छ ।
बिहान करिब २ः ३० बजे मुम्बईस्थित खारमा रहेको उनको आफ्नै घरमा चक्कु प्रहार भएको हो। सैफको घाँटी, ढाड, हात र टाउकोमा चक्कु प्रहार भएको छ ।
चक्कु प्रहारबाट गम्भिर घाईते भएका सैफलाई बिहान ३ः ३० बजे लीलावती अस्पताल ल्याइएको थियो । उनको अहिले सफल शल्यक्रिया भएको छ । सैफलाई ६ पटक छुरा प्रहार गरिएको र तीमध्ये दुईवटा घाउ गहिरो रहेको अस्पतालका सीओओ डा. नीरज उत्तमानीले बताए । डाक्टर लीना र डाक्टर नितिन डांगेले सैफको उपचार गरिरहेका छन् ।
आक्रमणमा परी सैफसँगै उनको घरमा काम गर्ने एक कामदार पनि घाइते भएकी छन् ।
आक्रमणको समयमा परिवारका अन्य सदस्यहरू कहाँ थिए भन्ने जानकारी हालसम्म उपलब्ध छैन। करिश्मा कपूरले ९ घण्टाअघि इन्स्टाग्राम स्टोरीमा पोस्ट सेयर गरेकी थिइन् । उनले अभिनेत्री सोनम कपुर, रिया कपुर र दिदी करिश्मासँग पार्टीको स्टोरी पोष्ट गरेकी थिईन् ।
डीसीपी गेडामले यस घटनामा अनुसन्धान भइरहेको बताएका छन् । अहिलेसम्म कोही पक्राउ परेका छैनन् । आक्रमणकारी को थिए भन्ने खुल्न सकेको छैन ।
मिडिया रिपोर्टका अनुसार मुम्बई पुलिसले सैफको घरबाट तीन जनालाई सोधपुछका लागि पुलिस स्टेसन लगेको छ। यसैबिच मुम्बई क्राइम ब्रान्चको टोली पनि यस विषयमा अनुसन्धान गर्न सैफको घर पुगेको छ ।
