काठमाडौं । काँडाघारीबाट प्रहरीले चार क्विन्टल भन्दा बढी रक्तचन्दन बरामद गरेको छ ।
बुधबार बिहान उपत्यका अपराध अनुसन्धान कार्यालयको टोलीले उक्त रक्तचन्दनसहित दुई जनालाई पक्राउ गरेको हो ।
बोरामा प्याक गरेर राखिएको अवस्थामा बरामद गरिएको रक्तचन्दन ४ सय ६२ किलो भएको प्रहरी स्रोतले जनाएको छ ।
प्रहरीले रक्तचन्दनसहित पक्राउ परेकाहरुको नाम ठेगाना खुलाइसकेको छैन । यसबारे विस्तृत विवरण आउन बाँकी छ ।
