काठमाडौँ । प्रतिबन्धित लागूऔषध खैरो हिरोईनको धुलो जस्तो देखिने पदार्थसहित स्वयम्भूबाट प्रहरीले एकजनालाई पक्राउ गरेको छ ।
पक्राउ पर्नेमा सुनसरी इनरुवा घर भई हाल काठमाण्डौ बस्ने ३७ को रबिन कार्की रहेका छन् । स्वयम्भूस्थित सडकखण्डमा लागूऔषध कारोवार भईरहेको छ भन्ने बिशेष सूचनाको आधारमा प्रहरी वृत्त स्वयम्भूबाट खटीएको प्रहरी टोलीले बुधबार बेलुका कार्कीलाई पक्राउ गरेको हो ।
प्रहरीले कार्कीको साथबाट सुन्तला रङको सिलिण्डर भित्र अबैध लागू औषध खैरो हेरोईन जस्तो देखिने पदार्थ रहेको स(सानो प्लाष्टीकको २२ वटा पोका बरामत गरेको छ । सो को तौल गर्दा २ ग्राम ८४ मिलिग्राम रहेको प्रहरीले जनाएको छ ।
कार्कीलाई नियन्त्रणमा लिई यसबारे थप अनुसन्धान भईरहेको प्रहरी वृत्त स्वयम्भूले जनाएको छ ।
