एजेन्सी । अस्ट्रेलियाका १९ वर्षीय ओपनर साम कोन्स्टासले जसप्रित बुमराहसँग सिड्नीमा भएको विवादमा आफ्नो गल्ती स्वीकार गरेका छन् ।
उनले भनेका छन् उस्मान ख्वाजाले ब्याटिङ गर्न बढी समय लिइरहेका थिए, बुमराहले उनलाई छिटो ब्याटिङ गर्न भनेका थिए । जब मैले बुमराहसँग नन स्ट्राइकरको अन्त्यमा बहस गरेँ, उनी रिसाए । अर्को बलमा उनले ख्वाजालाई प्याभिलियन पठाए ।
बोर्डर–गावस्कर ट्रफीमा भारत अस्ट्रेलियासँग ३–१ ले पराजित भएको थियो । सिरिजको अन्तिम खेल ३ जनवरीबाट सिड्नीमा खेलिएको थियो । खेलको पहिलो दिनको अन्तिम ओभरमा बुमराह र कोन्स्टासबीच नोकझोक भएको थियो ।
अष्ट्रेलियाली च्यानल ट्रिपल एममा यस विषयमा कोन्स्टासले सिड्नी टेस्टको पहिलो दिन बोर्डर–गावस्कर ट्रफीमा नाटक चलिरहेको बताए । बुमराह बलिङ गर्दै थिए । अस्ट्रेलियाका लागि उस्मान ख्वाजा र साम कोन्स्टान्स ओपनिङ गर्न आएका थिए । बुमराह चाँडै ओभर बल गर्न र दिनको खेल समाप्त हुनु अघि भारतलाई थप एक ओभर बल पाओस् भन्ने चाहन्थे ।
यसैबीच ख्वाजाले स्ट्राइकर एन्डमा समय लिन थाले, उनले अर्को ओभर खेल्न नपरोस् भनेर समय बिताइरहेका थिए । बुमराहले उनलाई ब्याटिङ गर्न भने, त्यसपछि कोन्स्टासले बुमराहलाई उत्तेजित गर्न नन-स्ट्राइकर एन्डबाट केही भने । त्यसपछि दुवैबीच झगडा बढ्यो । अम्पायरले हस्तक्षेप गरेर दुवैलाई अलग गर्नुपरेको थियो ।
‘मेरो कुरा सुनेर बुमराह रिसाए र अर्को बलमा ख्वाजालाई केएल राहुललाई क्याच दिए । यो क्रिकेटको हिस्सा हो। बुमराहलाई श्रेय जान्छ कि उनले अर्को बलमा उस्मानलाई प्याभिलियन पठाए ।’ उनले भने ।
बुमराह बोर्डर-गावस्कर ट्रफी २०२४-२५ मा प्लेयर अफ द सिरिज थिए । उनले ५ खेलमा ३२ विकेट लिए ।
कोन्स्टास बुमराह उत्कृष्ट बलर भएको पनि बताए । हामीले सिरिजमा राम्रो प्रदर्शन गर्यौं । मैदानमा जेसुकै भए पनि सक्दो गर्ने प्रयास गर्छु । मलाई लाग्छ, मेरो आगमनले अर्को टोलीमा केही नर्भस भयो ।
साम कोन्स्टासले भारतविरुद्ध आक्रामक ब्याटिङ खेले, उनको यो शैलीले सबै प्रभावित भए । कोन्स्टासको प्रदर्शनले उनी आगामी श्रीलंका भ्रमणका लागि अष्ट्रेलियाको टोलीमा समावेश हुने आशा जगाएको छ ।
