काठमाडौं । जय ट्रफी एलिट कप क्रिकेटमा मयन यादवको शानदार शतकमा मधेशले बागमती प्रदेशलाई १६४ रनको लक्ष्य दिएको छ । दोस्रो पारीमा पहिले ब्याटिङ गरेको मधेश प्रदेशले ९ विकेट गुमाएर २११ रन बनायो ।
मधेशका लागि ओपनर मयन यादवले शतक बनाए । उनले १०८ बलमा १०६ रन बनाए । उनी जारी प्रतियोगितामा शतक बनाउने पहिलो खेलाडी बनेका छन् ।
बलिङमा बागमतीका कप्तान सन्दीप लामिछानेले १७ ओभर फ्याँक्दै ८८ रन खर्चिएर ५ विकेट लिए ।
मधेशले पहिलो पारीमा १०२ रन बनाएको थियो भने बागमतीले पहिलो पारीमा १५० रन बनाएको थियो ।
