काठमाडौं । सत्तारुढ दल नेकपा एमालेको केन्द्रीय समितिको बैठक सुरु भएको छ । बैठक पार्टी कार्यालय च्यासलमा केही बेर अघि सुरु भएको हो ।
बैठकमा अध्यक्षकेपी ओलीले राजनीतिक प्रतिवेदन पेश गर्नुहुने छ ।
ओलीको राजनीतिक प्रतिवेदनमा नेपाली कांग्रेस र नेकपा एमालेबीचको सत्ता सहयात्राको उपलब्धि, सरकारले गर्न नसकेका काम, सुधारको आवश्यकता, आन्तरिक तथा वाह्य परिस्थितिलगायतको विश्लेषण गरिएको छ ।
यसैगरी प्रतिवेदनमा आगामी कार्ययोजना, पार्टी सङ्गठन सुदृढीकरण, वर्तमान सरकार गठन, यसअघिका सरकारमा साझेदारी, सरकारका प्राथमिकता, संविधान संशोधन, आर्थिक सुधार, सहकारीलगायत विषयसमेत समेटिएको छ ।
ओलीले प्रतिवेदन पेश गरेपछि केन्द्रीय सदस्यलाई प्रतिवेदनमाथि बेग्लाबेग्लै धारणा एमालेले मिलाएको छ । एमालेले यसअघि यस्ता प्रतिवेदनमाथि समूहगत छलफल गर्दै आएको थियो । अहिले छलफलका लागि प्रत्येक केन्द्रीय सदस्यलाई तीन मिनेटको समय उपलब्ध गराइएको छ ।
