काठमाडौँ । नेपाली सुनचाँदी बजारमा शुक्रवार सुनको मूल्य दुई हजार रुपैयाँले बढेको छ ।
यससँगै, सुनको मूल्य प्रतितोला एक लाख ५३ हजार ५०० रुपैयाँ पुगेको नेपाल सुनचाँदी व्यवसायी महासङ्घले जनाएको छ ।
बिहीबार सुन प्रतितोला एक लाख ५१ हजार ५०० रुपैयाँमा कारोबार भएको थियो ।
यस्तै आज चाँदीको मूल्य पनि बढेको छ । आज चाँदी प्रतितोला २० रुपैयाँले बढ्दै एक हजार ८१० रुपैयाँमा कारोबार भइरहेको महासंघले जनाएको छ ।
