जेनेभा । बिहीबार युरोपेली च्याम्पियन्स लिगको नयाँ सिजनका लागि ड्र जारी गरिएको छ । त्यस अनुसार लिग चरणमा लियोनल मेसी (बार्सिलोना) ले क्रिस्टियानो रोनाल्डो (युभेन्टस)को सामना गर्नुपर्ने भएका छन् ।
दुवै टिम लिग चरणमा एउटै समूहमा परेका छन् ।
डिफेन्डिङ च्याम्पियन बायर्न म्युनिकले भने एटलेटिको म्याड्रिडसँग भिड्नु पर्नेछ । अन्य ठूला खेल पेरिस सेन्ट जर्मेनविरुद्ध म्यानचेस्टर युनाइटेड तथा रियल म्याड्रिडविरुद्ध इन्टर मिलान पनि रहेका छन् ।
यस्तो छ ड्र:-
समूह ए- बायर्न म्युनिक, एटलेटिको म्याड्रिड, साल्सबर्ग, लोकोमोटिभ मस्को
समूह बी- रियल म्याड्रिड, साख्तर डोनेस्क, इन्टर मिलान, बोरुसिया मुन्छेनग्लाडबाख
समूह सी- पोर्टो, म्यानचेटर सिटी, ओलम्पियाकोज, मार्से
समूह डी- लिभरपुल, आयाक्स, एटलान्टा, मिडट्जयल्यान्ड
समूह ई- सेभिया, चेल्सी, क्रासनोडर, रेनेस
समूह एफ- जेनिट सेन्ट पिटर्सबर्ग, बोरुसिया डर्टमुन्ड, लाजियो, ब्रुग्स
समूह जी- युभेन्टस, बार्सिलोना, डायनामो किभ, फेरेन्भारेस
समूह एच- पेरिस सेन्ट जर्मेन, म्यानचेस्टर युनाइटेड, आरबी लाइपजिग, इस्टानबुल बासाकसेर
