कैलाली । सुदूरपश्चिम प्रदेशकै प्रसिद्ध तीर्थस्थल हो– कैलालीको राजकाँडा जालपादेवी मन्दिर । यो मन्दिर कैलालीमा मात्र नभई सुदूरपश्चिम प्रदेशमै प्रसिद्ध छ ।
मन्दिरको दर्शन र पूजाआजा गर्न टाढाटाढाबाट भक्तजन पुग्ने गरेका छन् । जालपादेवी मन्दिरको दर्शन गरे मनोकामना पूरा हुने जनविश्वास रही आएको छ ।
धार्मिक पर्यटक पनि यो मन्दिरमा पुग्ने गरेका छन् । यहाँबाट प्रकृतिको मनोरम दृश्यावलोकन गर्न सकिन्छ । तर मन्दिरसम्म पुग्न सहज बाटोको व्यवस्था भने छैन ।
अब भने यो ठाउँमा केबलकार निर्माण हुने भएको छ । कैलालीको चिसापानी–राजकाँडा जालपा देवी केबलकारको शिलान्यास आज हुँदै छ । केबलकार निर्माणपछि चिसापानीबाट राजकाँडा जालपादेवी मन्दिरमा पुग्न सजिलो हुने छ ।
यो मन्दिरमा भारतीय तिर्थयात्रीहरु पनि पर्याप्त आउने गरेका छन् । केबलकार निर्माणपछि त भारतको उत्तर प्रदेशबाट ठूलो संख्यामा पर्यटक भित्र्याउन सकिने सम्भावना देखिएन्छ । योसँगै यो सुदूरपश्चिम प्रदेशकै प्रसिद्ध पर्यटकीय स्थल बन्ने छ ।
