काठमाडौं: काठमाडौँ उपत्यका अपराध अनुसन्धान कार्यालय, टेकुले स्रोत नखुलेको रकम सहित केही व्यक्तिहरू शंकास्पद रूपमा हिँडडुल गरिरहेको भन्ने गोप्य सूचनाको आधारमा रबि धमला समेत तीन जनालाई पक्राउ गरेको छ ।
प्रहरीका अनुसार, उनीहरुबाट स्रोत नखुलेको रकम रू ९२ लाख बरामद गरिएको छ । नेपाल राष्ट्र बैंक ऐन, २०५८ अनुसारको कसुरमा आवश्यक अनुसन्धान तथा कारवाहीको लागि जिल्ला प्रहरी परिसर, भद्रकाली काठमाण्डौ पठाएको पनि बताइएको छ ।
पक्राउ परेकाहरूमा सिन्धुपाल्चोक स्थायी घर भई गोकर्णेश्वर बस्ने ३४ वर्षीय रबि धमला, संखुवासभा स्थायी घर भई हाल चाबहिल बस्दै आएका ३० वर्षीय सन्तोष विक (खाती) र रसुवा स्थायी घर भई हाल तारकेश्वर बस्दै आएका ३९ वर्षीय जीत बहादुर तामाङ रहेका छन् ।
