काठमाडौं । राष्ट्रिय प्रजातन्त्र पार्टी (राप्रपा)ले सरकारविरुद्ध खबरदारी सभा गर्ने भएको छ ।
नेपाली कांग्रेस र नेकपा एमालेको गठबन्धन सरकार बनेको ६ महिना नपुग्दै असफल भएको भन्दै राप्रपा सरकारविरुद्ध उत्रन लागेको हो ।
मंगलबार राप्रपाका प्रवक्ता मोहन श्रेष्ठले विज्ञप्ति निकालेर पार्टीको पक्षमा जनमत सिर्जना गर्न र आन्दोलन तयारी गर्न पुस र माघ महिनाभर प्रदेश, जिल्ला र स्थानीय तहमा विरोधका कार्यक्रम र खबरदारी सभा गर्ने निर्णय गरेको जानकारी दिए ।
यसका साथै राप्रपाले सरकारलाई ७ बुँदे सहमतिको बाचा र संविधान संशोधनको प्रतिवद्धता स्मरण गराउँदै उक्त समझदारीप्रति गम्भीर हुन आग्रह समेत गरेको छ ।
यस्तै सहकारी पीडित नागरिकको बचत र आर्थिक सुरक्षालाई जोड दिँदै सहकारी समस्यामा गम्भीर बन्न सरकारसँग राप्रपाले माग गरेको छ ।
हेर्नुस् विज्ञप्तीः
