काठमाडौं । प्रदेश पाँचका मुख्यमन्त्री शंकर पोखरेलले यस प्रदेशको राजधानीका लागि प्रस्ताव गरिएको भालुवाङले यस प्रदेशकै समग्र विशेषताको प्रतिनिधित्व गरेको बताएका छन् । प्रदेश नं पाँचको राजधानी राख्ने विषयमा आज प्रदेश सभालाई सम्बोधन गर्दै उनले सो कुरा बताएका हुन् ।
उनले यो राजधानी कुनै पूर्वाग्रहका साथ नराखिएको स्पष्टीकरण दिए । भालुवाङले पाँच नम्बर प्रदेशको विशेषतालाई विशेष रुपमा प्रतिनिधित्व गर्दछ । त्यसले कुनै एउटा भेगको मात्र प्रतिनिधित्व त्यसले गर्दैन । त्यसले यस प्रदेशका प्राय सबैजसो जिल्लाका बासिन्दाहरु आएर बसोबास बसेका छन् ।
राजनीतिक आग्रहका रुपमा यो नयाँ ठाउँ तय गरिएको होइन उनले भनेका छन् । उनले अहिले नै राजधानी सार्ने नभएर प्रस्तावित स्थानमा बनाउने हो भने ।
उनले भने- 'जुन ठाउँ हामीले तय गरेका छौँ त्यो सबैको साझा हुन्छ । त्यहाँबाट यस्तो नदी बग्छ त्यस राप्ती नदीले बाँके र बर्दिया जिल्लालाई पनि मनोविज्ञानलाई प्रतिनिधित्व गर्छ । कर्णाली प्रदेशको या सुदूरपश्चिम प्रदेशको गेटवेका रुपमा पनि नेपालगञ्जलाई लिइन्छ र त्यसबाट यो नजिक छ ।'
उनले लुम्बिनीले क्षेत्रको विकासमा प्रदेश सरकारले प्राथमिकता दिएको बताए । उनले रामग्रामको मास्टर प्लान भएको, तिलौराकोटको आयोजना अघि बढेको छ । कपिलवस्तुको विकासका आयोजना बनेका आदि बताए ।
बुटवलमा व्यावसायिक आयोजनाहरु धेरै अघि बढेका छन् । नुवाकोट र वशन्तपुर डाँडालाई जोड्ने कामका लागि हामीले निजी क्षेत्रसँग प्रक्रिया अघि बढीसकेको छ । यस क्षेत्रमा रहेका हिल स्टेसनको विकास गरी पर्यटकीय राजधानीका रुपमा विकास गर्ने निर्णय गरेका छौँ ।
यहाँ राजधानी रहेन भन्दैमा यस क्षेत्रको विकास हुदैन कि भन्ने भ्रम नराख्न आग्रह गरेका छौँ उनले भने ।
