काठमाडौँ । इंग्लिस प्रिमियर लिगमा साविक विजेता म्यान्चेस्टर सिटीको खराब लय जारी छ ।
भर्खरै सम्पन्न खेलमा सिटी एस्टन भिल्लासँग १–२ गोलले पराजित हुन पुग्यो । घरेलु टोलि एस्टन भिल्लाले १६ औं मिनेटमा जोन डुरानको गोलबाट अ्रगता लिएको थियो ।
६५ औं मिनेटमा मोर्गान रोजेर्सले गोल गर्दै भिल्लाको अग्रता दोब्बर पारे । खेल सकिनै लाग्दा इन्जुरी समयमा फिल फोडेनले गोल गरेपनि सिटीको हार टार्न सकेनन् ।
पराजित सिटी १७ खेलबाट २७ अंकका साथ छैटौं स्थानमा झरेको छ । भिल्ला २८ अंकका साथ पाँचौं स्थानमा उक्लिएको छ ।
