काठमाडाैंः
नेपाल प्रहरीले एयरपोर्ट शम्भुमार्गस्थित सडक खण्डमा अवैध रुपमा हुण्डी कारोबार भइरहेको भन्ने विशेष सूचनाको आधारमा प्रहरी वृत्त गौशालाबाट खटि गएको प्रहरी टोलीले खोजतलास गर्दा चार जना व्यक्तिबाट ६८ लाख नगद र रकम उल्लेख गरिएका पाँच थान चेक बरामद गरेको छ ।
जिल्ला प्रहरी कार्यालयका अनुसार प्रहरीले प्रदेश ३-०१-०२२ च १९७२ नम्बरको सेतो रङको हुन्डाइ कम्पनीको क्रेटा कारलाई चेकजाँच गर्ने क्रममा उक्त नगद फेला परेको हाे । प्रहरीले नगद, चेक र चार जना व्यक्तिलाइ नियन्त्रणमा लिई मुलुकी अपराध संहिता २०७४ संसोधित १२५(क) बमोजिम हुण्डी सम्बन्धी कारोबार गर्न नहुने कसूरमा प्रहरी वृत्त गौशालाबाट थप अनुसन्धानका लागि राखेको बताएको छ ।
क) पक्राउ परेका व्यक्तिहरु:-
१. का.जि.का.म.न.पा. ३२ दोभानपुल घर भई बस्ने बर्ष ४६ को राज कुमार माली ।
२. का.जि.का.म.न.पा. १० नयाँ बानेश्वर घर भई बस्ने बर्ष १८ को आवाद सिंह ।
३. जि. झापा विर्तामोड न.पा. वडा नं. ५ घर हुने वर्ष २७ को युवराज सुवेदी ।
४. जि. झापा अर्जुनधारा न.पा. ७ घर भई हाल का.जि.का.म.न.पा. ७ बस्ने बर्ष ३२ को प्रवेश कुमार पौडेल ।
ख) बरामद दशी:-
१. स्रोत नखुलेको नेपाली नगद रू.६८,००,०००/–
२. रकम उल्लेख गरिएका चेक थान ५
३. मोबाइल थान ५
४. प्रदेश ३-०१-०२२ च १९७२ नं.को सेतो रङको हुन्डाइ कम्पनीको क्रेटा कार
