काठमाडौं । नेपाल प्रीमियर लिग (एनपिएल) अन्तरगत आजको पहिलो खेलमा काठमाडौं गुर्खाजले जित निकालेको छ ।
भर्खरै सम्पन्न खेलमा काठमाडौंले पोखरा एभेन्जर्सलाई ६ विकेटले हराएको हो ।
पोखराले दिएको १३९ रनको लक्ष्य काठमाडौंले १४ ओभरमा ४ विकेट गुमाएर भेट्टायो ।
उसका लागि स्टेफन इस्किनाजिले अर्धशतकीय इनिङ खेले । ३४ बल खेलेका उनले १० चौकाको मद्दतमा ६० रन जोडे । यस्तै, माइकल लेभिटले ३२, गेर्हार्ड इरास्मसले अविजित २५ तथा भीम सार्कीले २२ रनको योगदान दिए ।
बलिङतर्फ पोखराका बिपिन खत्रीले तीन तथा माइकल लिस्कले एक विकेट लिए ।
त्यसअघि त्रिभुवन विश्वविद्यालय क्रिकेट मैदान कीर्तिपुरमा टस हारेर पहिले ब्याटिङको निम्तो पाएको पोखराले निर्धारित २० ओभरमा आठ विकेटको क्षतिमा एक सय ३८ रन बनायो ।
पोखराका लागि रेमन रेफरले ३० बलमा तीन छक्का र एक चौकाको मद्दतले ४१ रन बनाए । यस्तै, दिनेश खरेलले ३८ र दिलीप नाथले २७ रन बाहेक अन्य खेलाडीले दोेहोरो अङ्कको रन जोड्न सकेनन् ।
उसका लागि गोमेलले आठ, कप्तान कुशल भुर्तेलले सात, विपीन खत्रीले चार, सागर ढकाल र माइकल लीस्कले समान एक÷एक रन जोडे । पोखराले अतिरिक्त ११ रन प्राप्त ग¥यो ।
काठमाडौँका लागि कप्तान करण केसी र रासिद खानले समान तीन/तीन विकेट लिए । यस्तै, गेर्हार्ड इरास्मस र माइकल लेविटले एक/एक विकेट लिए ।
योसँगै ६ खेलमा तेस्रो जित हात पारेको काठमाडौंले प्लेअफ पुग्ने सम्भावना पनि कायम राखेको छ । ६ खेलबाट ६ अंक जोडेको काठमाडौं अङ्कतालिकाको चौथो स्थानमा उक्लेको छ ।
काठमाडौंसँग पराजित भएको पोखराको भने प्लेअफमा पुग्ने सम्भावना निकै कम बनेको छ ।
६ खेलमा २ जित निकालेको पोखरा सातौं स्थानमा छ । पोखरालाई अन्तिम खेलमा ठूलो जितले मात्र पुग्नेछैन । अन्य टोलिको ठूलो हार पनि उसलाई आवश्यक पर्नेछ ।
