काठमाडौँ । भुटानका राजा जिग्मे खेसार नाम्ग्याल वाङचुक भोलि नेपाल आउने भएका छन् । उनको साथमा रानी तेत्सुन पेमा वाङचुक पनि हुेनेछिन् । उनीहरु भोलि बिहान १० बजे काठमाडौँ आइपुग्ने कार्यक्रम रहेको परराष्ट्र मन्त्रालय स्रोतले जनाएको छ ।
राजदम्पत्तिले स्वयम्भु र बौद्धनाथको दर्शन गर्ने तय भएको छ । तर उनीहरुको निजी भ्रमण रहेकाले खासै भेटघाट र अन्य कार्यक्रमहरु भने केही नरहेको जनाइएको छ ।
उनीहरु बिहान १० बजे त्रिभुवन अन्तर्राष्ट्रिय विमानस्थल आइपुग्ने कार्यक्रम रहेको र बिहान उनीहरुलाई परराष्ट्र मन्त्री डा आरजु राणा देउवाले स्वागत गर्नेछिन् ।
मन्त्रालयले उनीहरु काठमाडौँ आएलगत्तै सुरुमा स्वयम्भु र त्यसपछि बौद्धनाथ दर्शन गर्न जानेछन् । त्यसपछि २ बजे काठमाडौँबाट थिम्पु फर्किने बताइएको छ ।
निजी भ्रमणका लागि काठमाडौँ आउने भएकाले कुनै औपचारिक कार्यक्रम नरहेको बताइएको छ । उनीहरु चार्टर फ्लाइटबाट थिम्पु फर्कने भएका हुन् । उनीहरु आज नै नयाँ दिल्ली पुगेका हुन् ।
