काठमाडौं । सहकारी ठगी प्रकरणमा चितवन प्रहरीमा बयान सकिएपछि रवि लामिछानेलाई आज बिहानै पोखरा लगिएको छ ।
चितवनको साहारा सहकारीको रकम अपचलनमा संलग्न भएको आरोपमा उनलाई बयान लिन पोखराबाट चितवन ल्याइएको थियो । दुई दिनसम्म भएको बयान सकिएपछि आज पोखरा पठाइएको प्रहरीले जनाएको छ ।
लाामिछानेलाई मंगलबार बिहान चितवन ल्याएर हिजो बुधबार राति नौ बजेसम्म बयान लिइएको थियो ।
आज बिहानै उनलाई पोखरा पठाइएको चितवन जिल्ला प्रहरी कार्यालयका एसपी गौतम मिश्रले जानकारी दिए । लामिछानेलाई कात्तिक २ मा कास्की प्रहरीले पक्राउ गरेको थियो ।
सहकारी प्रकरणमा बारेमा बयानका लागि लामिछानेलाई रूपन्देही र काठामाडौं पनि लगिएको छ । यसै विषयमा अनुसन्धान गर्न पर्सा प्रहरीले पनि पक्राउ पुर्जी जारी गरिसकेको छ ।
