काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेको काठमाडौं जिल्ला सरकारी वकिलको कार्यालयमा बयान जारी रहेको छ ।
कालिमाटीस्थित स्वर्णलक्ष्मी सहकारीको रकम अपचलनविरुद्ध पक्राउ पूर्जी जारी भएको लामिछानेलाई बिहीबार बयानको लागि काठमाडौं ल्याइएको थियो । शुक्रबारदेखि नै उनको बयान सुरु गरिएको थियो ।
जिल्ला सहकारी वकिलको कार्यालयमा शुक्रबार बिहान ९ बजेदेखि सुरु भएको बयान दिउँसो ३ः३० बजेसम्म बयान चलेको थियो । उक्त दिन बयान नसकिएकोले आज पुनः निरन्तरता दिईएको हो ।
लामिछाने पोखराको सूर्यदर्शन सहकारी ठगी प्रकरणमा रवि गत कात्तिक २ गतेदेखि प्रहरी हिरासतमा छन् । यो बीचमा उनलाई रुपेन्देही पनि बयानको लागि लगिएको थियो । उनीमाथि चितवनको साहारा सहकारीको रकम हिनामिनामा पनि अनुसन्धान भइरहेको छ ।
