काठमाडौं । परराष्ट्रमन्त्री आरजु राणा देउवाले आज चिनियाँ समकक्षी वाङ यीसँग द्विपक्षीय भेटवार्ता गर्दै हुनुहुन्छ ।
परराष्ट्र मन्त्री राणा र चिनियाँ समकक्षी यी बीच छेन्दुमा भेटवार्ताको कार्यक्रम राखिएको हो । त्यसका लागि मन्त्री राणा हिजो त्यसतर्फ जानुभएको हो ।
भेटवार्तामा प्रधानमन्त्री केपी शर्मा ओलीले सोमबारदेखि गर्ने चीन भ्रमणका क्रममा हुने सहमति र सम्झौतालाई अन्तिम रुप दिने विषयमा कुरा हुने छ ।
चिनियाँ विदेशमन्त्री वाङ यीको मैत्रीपूर्ण निमन्त्रणामा औपचारिक भ्रमणका लागि उहाँ नेपाली प्रतिनिधिमण्डलको नेतृत्व गर्दै चीन जानुभएको हो ।
मन्त्री डा राणालाई छन्दुमा चीनको विदेश मन्त्रालयको सिचुआन प्रान्तीय डेपुटी डाइरेक्टर जनरल लि हुछियाङ र चीनका लागि नेपाली राजदूत डा कृष्णप्रसाद ओलीले स्वागत गर्नुभएको थियो ।
