काठमाडौँ । प्रहरीले प्रतिबन्धित लागुऔषध खैरो हिरोईन जस्तो देखिने पदार्थ सहित एक जनालाई पक्राउ गरेको छ ।
आईतबार प्रहरीले चन्द्रागिरी नगरपालिका–२ नागढुङ्गा स्थित चेकप्वाइन्टबाट खैरो हिरोईनसहित ईलाम चुलाचुली गापा–०४ बस्ने २१ बर्षको अबिरल हीङमाङलाई पक्राउ गरेको हो ।
आईतबार बिहान १०ः५० बजे नेपालगंजदेखि काठमाडौंतर्फ आउँदै गरेको बा प्र०१–००६ ख ४७९७ नम्बरको यात्रुवाहक बसलाई चेकजाँच गर्ने क्रममा प्रहरीले हीङमाङको पर्स भित्र लुकाई छिपाई ल्याएको अबस्थामा ९ ग्राम खैरो हिरोईन जस्तो देखिने पदार्थ बरामत गरेको हो ।
हीङमाङमाथि प्रहरी वृत्त थानकोटबाट थप अनुसन्धान भई रहेको छ ।
