काठमाडौं । अदालत परिसरमा विष सेवन गरेपछि प्रहरीले एक युवतीलाई नियन्त्रणमा लिएको छ ।
बुधबार पाटनस्थित उच्च अदालत परिसर विषादीजन्य वस्तु सेवन गरेपछि प्रहरीले बझाङ घर भएकी युवती रश्मिला धामी पक्राउ गरेको हो ।
एमालेका युवा नेता ऐन महरले आफूमाथि ‘हनी ट्रयाप’ मा पारेको भन्दै उनीमाथि काठमाडौं प्रहरीमा उजुरी हालेका थिए । आपराधिक लाभ (एक्सटर्सन) कसूरमा काठमाडौं जिल्ला अदालतले उनीमाथि वैशाख ३१ गते पक्राउ पुर्जी समेत जारी गरेको थियो ।
बुधबार उच्च अदालत परिसरमा अपराध अनुसन्धान कार्यालय टेकुको टोलीसँग सामुने परेपछि उनले विषादीजन्य वस्तु सेवन गरेकी थिईन् । उनलाई उपचारको लागि अल्का अस्पताल लगिएको प्रहरीले जनाएको छ ।
