एजेन्सी । इजरायली लडाकु विमानहरूले बेरुतको दक्षिणी उपनगरहरूमा १३ वटा हिंसात्मक आक्रमणहरू शुरू गरेका छन् ।
एजेन्सीले बेरुत र माउण्ट लेबनानभरि क्षेप्यास्त्रको हिंस्रक आवाज सुनिएको हारेत हरिक, घोबेरी, लैलाकी र वरपरका क्षेत्रहरूलाई लक्षित गरी आक्रमण गरिएको बताएको छ ।
इजरायली सेनाका प्रवक्ता अविचाय अद्राईले हरेट हईक, बिर अल–अबेद, स्फेयर, म्रेइजेह र लैलाकीका बस्तीहरूलाई खाली गर्ने चेतावनी दिएका छन् । सेप्टेम्बर २३ देखि इजरायली सेनाले लेबनानमा हिजबुल्लाहसँगको द्वन्द्व बढ्दै गएपछि हवाई आक्रमणलाई तिब्र पारेको छ ।
इजरायलले अक्टोबरको शुरुमा लेबनानमा आफ्नो उत्तरी सीमाना पार गरेर भूमिगत कारबाही शुरु गरेको थियो । स्वास्थ्य मन्त्रालयकाअनुसार गत वर्षको अक्टोबरमा द्वन्द्व शुरु भएदेखि इजरायली हवाई आक्रमणबाट मृत्यु हुनेको संख्या ३ हजार २ सय ४३ पुगेको छ भने घाइतेको संख्या १४ हजार १३४ पुगेको छ ।
