काठमाडौं । राष्ट्रिय स्वतन्त्र पार्टी (रास्वपा)ले स्थानीय तह उपनिर्वाचनका लागि उम्मेदवार चयन गरेको छ । मंसिर १६ गते हुने स्थानीय तहको उपनिर्वाचनमा रास्वपाले १७ जना उम्मेदवार छनोट गरेको छ ।
रास्वपाले दैलेखस्थित महाबु पालिकाको अध्यक्षमा प्रकाशकुमार बुढा र जाजरकोटको नलगाँड नगरपालिकाको उपाध्यक्षको उम्मेदवारमा पार्वती पुनलाई चयन गरेको छ ।
यस्तै, दोलखाको गौरीशंकर गाउँपालिका उपाध्यक्षमा गोमा श्रेष्ठ, हुम्लाको सर्केगाड गाउँपालिकाको उपाध्यक्षमा सुजाता फडेरा (थापा) र काठमाडौ महानगरपालिका-१६ का लागि रोजिना श्रेष्ठलाई चयन गरेको छ ।
निर्वाचन आयोगले उप निर्वाचनका लागि २ मंसिरमा उम्मेदवारी दर्ताको कार्यतालिको बनाएको छ । रास्वपाले २५ स्थानका उम्मेदवार छनोट भने प्रक्रियामा रहेको जनाएको छ ।
