काठमाडौँ । नेपाली कांग्रेसका महामन्त्री विश्वप्रकाश शर्मालाई कोरोना सङ्क्रमण भएको छ । आफूलाई कोरोना सङ्क्रमण भएको उनले आफ्नै फेसबुक पेजमा पुष्टि गरेका छन् ।
यसपालि पनि उनको परिवारलाई नै कोरोना सङ्क्रमण भएको छ । आठ महिनाअघि पनि परिवारलाई नै सङ्क्रमण भएको थियो ।
शर्माले लेखेका छन्, “आठ महिनापछि फेरि सपरिवार सङ्क्रमित । सार्वजनिक कार्यक्रममा सतर्कता नराख्नुको परिणाममा सङ्क्रमण, आत्मालोचित छु, लक्षणले ग्रस्तपछि मेडिसिटि अस्पतालमा पीसीआर, आज सबैको रिपोर्ट पोजिटिभ, चिकित्सक परामर्शमा तागतको औषधि र आइसोलेसन, एकसातामा फर्किन्छु काममा, भेट र सम्पर्क असुविधाप्रति सबैसँग विनम्रतापूवैक क्षमा चाहन्छु ।”
