काठमाडौँ । सितापाइला–धार्के सडकखण्ड भोलि (कार्तिक २३) देखि १५ दिनका लागि बन्द हुने भएको छ ।
जिल्ला प्रशासन कार्यालय धादिङले एक सुचना जारी गर्दैउक्त सडकखण्डमा कालोपत्रे भइरहेकाले एम्बुलेन्स, सुरक्षा निकायका सवारी साधन र हलुका सवारी साधन (चार पाङ्ग्रे) बाहेकका सबै प्रकारका सवारी साधनलाई पूर्ण रूपमा रोक लगाइएको जनाएको हो ।
सडकको स्तरोन्नति कार्यको अवधि भरी, सवारी चालकहरूलाई वैकल्पिक मार्ग प्रयोग गर्न आग्रह गरिएको छ। साहयक प्रमुख जिल्ला अधिकारी युवराज अर्यालले वैकल्पिक मार्गका रूपमा गल्छी-विदुर-छहरे-टोखा वा धार्के-नौविसे-नागढुंगा सडक प्रयोग गर्न सकिने
जानकारी दिए ।
