काठमाडौँ । नेकपा एमालेले सचिवालय बैठक बोलाएको छ ।
स्थानीय उपनिर्वाचनको तयारीबारे छलफल गर्न सचिवालय बैठक बोलाइएको एमाले प्रचार विभाग प्रमुख राजेन्द्र गौतमले जानकारी दिए ।
बैठक कात्तिक २४ गते शनिवार बस्नेगरी बोलाइएको उनले बताए । उनले भने,’ बैठकले उपनिर्वाचन तयारीको विश्लेषणसहित मातहतका पार्टी कमिटीहरूलाई आवश्यक निर्देशन दिन्छ ।’
निर्वाचन आयोगले आगामी मंसिर १६ गते हुने स्थानीय तह उपनिर्वाचनका लागि मंसिर २ गते उम्मेदवारी दर्ताको समय तोकेको छ ।
