काठमाडौँ । इंग्लिस प्रिमियर लिग फुटबलमा आर्सनल पराजित भएको छ । शनिबार भएको खेलमा आसर्नल न्युक्यासल युनाइटेडसँग १-० गोलले पराजित भएको हो ।
घरेलु टोली न्युक्यासललाई जित दिलाउन एकमात्र निर्णायक गोल अलेजान्डर इसाकले गरे । उनले खेलको १२ औं मिनेटमा गोल गरेका हुन् । यो नतिजापछि आर्सनल १० खेलबाट १८ अंकका साथ तालिकाको १८ औं स्थानमा छ । न्युक्यासल १५ अंकसहित नवौं स्थानमा छ ।
यस्तै, गएराति नै भएको खेलमा बर्नमाउथले म्यान्चेस्टर सिटीलाई २-१ गोलले हरायो । घरेलु टोलिको जितमा खेलको नवौं मिनेटमा एन्टोनि सेमेन्योले र ६४ औं मिनेटमा इभानिल्सनले गोल गरे । सिटीका होस्को जिभार्डिओलले एक गोल फर्काए ।
हारपछि सिटी १० खेलबाट २३ अंकका साथ तालिकाको दोस्रो स्थानमा छ भने बर्नमाउथ १५ अंकसहित आठौं स्थानमा छ ।
