एजेन्सी । न्यूजिल्याण्ड विरुद्धको मुम्बई टेस्टको पहिलो इनिङ्समा भारतीय टोली २६३ रनमा अलआउट भएको छ । वानखेडे रंगशालामा जारी खेलमा आयोजक टोलीले न्यूजिल्याण्डमाथि २८ रनको अग्रता लिएको छ ।
दोस्रो इनिङ्समा न्यूजिल्याण्डले पहिलो ओभरमा १ विकेट गुमाएर २ रन बनाएको छ । कप्तान टम लाथम १ रनमा आकाश दीपबाट बोल्ड भए ।
शनिबार ८६र४ को स्कोरबाट खेल्न सुरु गरेको भारतले अन्तिम ६ विकेट गुमाएर १७७ रन बनाएको थियो । शुभमन गिलले ९० रन र ऋषभ पन्तले ६० रनको इनिङ्स खेले । दुवैले पाँचौं विकेटका लागि ९६ रनको साझेदारी गरे ।
अजाज पटेलले ५ विकेट लिए । म्याट हेनरी, ग्लेन फिलिप्स र इश सोधीले एक एक विकेट लिए । एक दिनअघि न्युजिल्यान्ड पहिलो इनिङ्समा २३५ रनमा अलआउट भएको थियो ।
