काठमाण्डौ । सिस्नोपानी नेपालले तिहारको अवसरमा व्यंग्यात्मक शैलीमा देउसी भैलो खेलेको छ । देउसी भैलो कार्यक्रमको प्रधानमन्त्री केपी शर्मा ओलीले नेपाल प्रजा प्रतिष्ठान काठमाडौँमा आइतबार आयोजित प्रज्ञा– सिस्नोपानी देउसी कार्यक्रम उद्घाटन गर्नुभएको छ ।
सिस्नोपानी नेपालले प्रधानमन्त्री केपी शर्मा ओली, नेकपा अध्यक्ष पुष्पकमल दाहाल,(प्रचण्ड), समाजबादी अध्यक्ष डा. बाबुराम भट्टराई, पूर्वप्रधानमन्त्री झलनाथ खनाल, मन्त्रिपरिषद्का पूर्वअध्यक्ष खिलराज रेग्मी, प्रधानन्यायाधिस, सरकारका बहालवाला मन्त्रीहरू लगायतका उच्चपदस्थ व्यक्तित्वहरूलाई आमन्त्रण गरेर ब्यङ्ग्यबाँण प्रस्तुत गरेको छ ।
प्राय सबै राजनितिक दलका नेताहरूको सहभागिता रहेको देउसी भैलोमा समसामयिक राजनीति, सामाजिक प्रवृतिबारे व्यंग्यात्मक प्रस्तुतिकरणका साथै देउसी भैलो समेत खेलेको हो ।
