काठमाडौं । बडादशैंको आज फूलपाती । देवी भगवती दुर्गाको पूजा आराधना गरी फूलपाती भित्र्याइँदै छ । आज देशभरका शक्तिपीठहरुमा देवीको पूजा अर्चना गर्नेहरुको भिड लागेको छ ।
काठमाडौंका भद्रकाली, नक्शाल भगवती, गुह्वेश्वरी, मैतीदेवी, कालिकास्थान, महांकाल, शंकटा, नरदेवी, इन्द्रायणी र शोभाभगवतीमा देवीको पूजा आराधनाका लागि भक्तजनहरुको घुइँचो छ ।
सरकारी कार्यालयहरु आजदेखि बिदा भएका छन् । मानिसहरु बिहानैदेखि शक्तिपीठमा पुगेर पूजाआराधना गरिरहेका छन् ।
यस पटकको महाष्टमी र महानवमी भने भोलि एकै दिन परेको छ । महाअष्टमीमा महाकाली, महालक्ष्मी र महासरस्वतीको पूजा गर्ने शास्त्रोक्त कथन छ। भोलि देशभरका विभिन्न शक्तिपीठहरुमा पशुबली दिने समेत गरिन्छ ।
