काठमाडौं । बर्षाका कारण अवरुद्ध कान्तिलोकपथ मार्ग सुचारु भएको छ । मकवानपुर र ललितपुर जोड्ने बगुवाको बागमती पुलमा अस्थायी सडक बनाएर कान्तिलोकपथ सञ्चालनमा ल्याइएको नेपाली सेनाले जनाएको छ ।
यो सँगै हेटौंडा र काठमाडौंलाई जोड्ने आधा दर्जन मार्ग सबै सन्चालनमा आएका छन् ।
मकवानपुरको भीमफेदी गाउँपालिका र ललितपुरको बागमती गाउँपालिकाले बगुवामा ४ वटा ह्युमपाइप हालेर अस्थायी सडक बनाएको सैनिक जनसम्पर्क निर्देशनालयले जनाएको छ ।
निर्देशनालयका अनुसार भीमफेदी गाउँपालिका ८ महादेवटार र ललितपुर जिल्ला, वाग्मती गाउँपालिका(२ वगुवास्थित वाग्मती खोलामा रहेको पुलको केही भाग बगाए पश्चात् अवरुद्ध भएको कान्तिलोकपथ मार्गआश्विन २१ गते राती १०३० बजेबाट सवारी आवागमन सुचारु भएको छ ।
उक्त लोकपथ मार्गमा सवारी आवागमन सुचारु गर्न नेपाली सेनाले अन्य निकायको सहयोगमा २ स्थानमा करिव ८०० मिटरको बाँध निर्माण गरी बागमती नदी डाइभर्सन तथा निर्माण गरेको छ ।
यसै गरी ३२० मिटर लम्बाइको नयाँ ट्रयाक निर्माण गर्नुका साथैबागमती नदीमा करिव ४० मिटर लम्बाइको मार्ग निर्माण गरी पुलसम्म सडक जोडिएको छ ।
यसैगरी तारजाली तथा बागमती नदीमा ह्यूम पाईप राखि अस्थायी सडक बनाउनुका साथै कान्तिलोकपथको अन्य विभिन्न खण्डमा पहिरो पञ्छाउने कार्य गरेको निर्देशनालयले जनाएको छ ।
