काठमाडौँ । इंग्लिस प्रिमियर लिग फुटबलमा आर्सनल र म्यान्चेस्टर सिटीले जित निकालेका छन् ।
गएराति भएको खेलमा आर्सनलले साउथह्याम्प्टनलाई ३-१ र सिटीले फुलहमलाई ३-२ गोलले पराजित गरेको हो ।
घरेलु मैदान इमिरेट्समा आर्सनललाई जित दिलाउन काई हाभेट्रज, गाब्रियल मार्टिनेली र बुकायो साकाले गोल गरे । साउथह्याम्प्टनका कामरोन आर्चरले एक गोल फर्काए ।
जितसँगै आर्सनल ७ खेलबाट १७ अंकका साथ तालिकाको तेस्रो स्थानमा छ । साउथह्याम्प्टन १ अंकका साथ १९ औं स्थानमा छ ।
यसैगरी घरेलु मैदान इतिहाडमा सिटीलाई जित दिलाउन माटिओ कोभासिचले २ तथा जेरेमी डोकुले एक गोल गरे । फुलहमका एन्ड्रियास परेइरा र रोड्रिगो मुनिजले गोल गरेपनि टोलिको हार टार्न सकेनन् ।
जितसँगै सिटी ७ खेलबाट १७ अंकका साथ तालिकाको दोस्रो स्थानमा छ । फुलहम समान खेलबाट ११ अंकसहित सातौं स्थानमा छ ।
