एजेन्सी । यशराज ब्यानरको बहुचर्चित र चर्चित फिल्म ‘धूम’ को अर्को भागमा रणवीर कपुर प्रवेश गरेका छन् । अभिनेताको ४२ औं जन्मदिनमा यो खबर बाहिर आएको छ कि रणवीर ‘धूम ४’ मा नकारात्मक भूमिकामा देखिनेछन् ।
यो फिल्मलाई लिएर रणवीर र निर्माताबीच लामो समयदेखि चर्चा चलिरहेको सुनिएको छ । स्रोतका अनुसार ‘रणवीरले सधैं यो फिल्मप्रति चासो राख्थे ।
यसको आधारभूत विचार सुनेपछि उनी यसमा काम गर्न तयार भए र अब उनी ‘धूम ४’ को हिस्सा बन्ने पक्का भएको छ ।
यो फ्रेन्चाइजीसँग जोडिएका अभिषेक बच्चन र उदय चोपडा जस्ता अन्य कलाकारहरु ‘धूम ४’ मा देखिने छैनन् भन्ने पनि सुनिएको छ ।
यसपटक निर्माताले यो फिल्मको सिक्वेल होइन रिबुट बनाउँदैछन् । यसको कथा नयाँ बनाइनेछ ।
प्रहरी अधिकारीको भूमिकामा युवा पुस्ताका दुई नयाँ नायक पनि रहने स्रोतले जानकारी दिएको छ । चलचित्रको कथा लक भइसकेपछि अब टिमले कास्टिङको काम सुरु गर्ने भएको छ ।
कामको कुरा गर्ने हो भने रणवीर अहिले ‘रामायण’ को सुटिङमा व्यस्त छन् । यो उनको करियरको पहिलो पौराणिक फिल्म हो । यसमा उनी श्रीरामको भूमिकामा छन् ।
‘धूम’ सिरिज सन् २००४ मा सुरु भएको थियो । पहिलो भागमा जोन अब्राहमले मुख्य भूमिका निर्वाह गरेका थिए । सन् २००६ मा रिलिज भएको ‘धूम २’ मा ऋतिक रोशनले चोरको भूमिका निर्वाह गरेका थिए । सन् २०१३ मा ‘धूम ३’ रिलिज हुँदा आमिर खान मुख्य र दोहोरो भूमिकामा थिए ।
