एजेन्सी । जुनैद खानले आफू आमिर खानका छोरा नभएको भए सायद फिल्म ‘महाराज’मा काम नपाउने खुलासा गरेका छन् । यद्यपि जुनैदले यो फिल्मका लागि अडिसन पनि दिएका थिए ।
हालै जुनैद एनडीटीभी युवा कार्यक्रममा अतिथिको रूपमा देखा परेका थिए । यहाँ उनले आफ्नो अहिलेसम्मको कामको अनुभव बताएका थिए । जुनैदले आमिरको फिल्म लाल सिंह चड्ढाका लागि पनि अडिसन दिएको बताए ।
जुनैदले थप भने, ‘हो, बुबाले (लाल सिंह चड्ढा) बारे पहिले नै कुरा गर्नुभएको थियो । जब मैले यसका लागि परीक्षा दिएँ, बुबालाई त्यो परीक्षा धेरै मन पर्यो । तर फिल्मको बजेटका कारण नयाँ कलाकारलाई लिएर फिल्म बनाउन सकिएन । यही कारणले मैले त्यो फिल्ममा काम गर्ने मौका पाइनँ ।’
जुनैदले महाराज फिल्मबाट बलिउडमा डेब्यु गरेका हुन् । यो फिल्मलाई सिद्धार्थ पी मल्होत्राले निर्देशन गरेका हुन् । जुनैद बाहेक फिल्ममा जयदीप अहलावत, शालिनी पाण्डे र शर्वरी जस्ता सेलिब्रेटीले काम गरेका छन् ।
