काठमाडौं। ‘मिस्टर काठमाडौं’को उपाधि जितेका प्रकाश राईको हृदयघातका कारण मृत्यु भएको छ।
४५ वर्षीय राईको बुधबार बिहान ग्रान्डी अस्पतालमा निधन भएको हो ।
मोरङको बेलबारी घर भएका राईले ५ दिनअघि मात्रै ७५ केजी माथिको तौल समूहमा प्रतिस्पर्धा गर्दै मिस्टर काठमाडौं जितेका थिए ।
राई टीम म्यानेजरसहित होटलमा बस्दै आएका थिए । उनलाई हृदयघात भएको चाल पाएपछि अस्पताल पुर्याइएको थियो।
राईका आफन्त मोरङबाट काठमाडौं आइपुगेका छन् ।
