एजेन्सी । बलिउडका स्टार अभिनेता अक्षय कुमार आज आफ्नो ५७ औं जन्मदिन मनाउँदै छन् । अक्षयले सन् १९९१ मा फिल्म ‘सौगन्ध’ बाट बलिउडमा डेब्यू गरेका थिए ।
आफ्नो सुरुको एक अन्तर्वार्तामा अक्षयले भनेका थिए, ‘म इन्डस्ट्रीमा पैसा कमाउन मात्र आएको हुँ । मलाई कसरी अभिनय गर्ने थाहा थिएन । म बैंककमा एक महिना बक्सिङ सिकाउने गर्थे र ५००० रुपैयाँ पारिश्रमिक थियो । एक दिन एकजना विद्यार्थीका बुवाले मलाई मोडलिङ गर्ने प्रयास गर्न भने । जब मैले दुई घण्टा मात्र काम गरेँ र २१ हजार रुपैयाँ पाएँ । त्यसपछि मैले मोडल बन्ने निर्णय गरें । र्याम्प वाक पनि गरें र यो गर्दा कसैले फिल्म अफर गरे । मलाई साँझ साढे ६ बजे एक जना निर्देशकले रु ५००० को चेक दिए । म यसरी बलिउडमा प्रवेश गरेको सम्झन्छु ।’
एक समय थियो जब अक्षयका १६ वटा चलचित्र चलेनन् । एक समय लगातार ८ वटा फिल्महरु फ्लप भए । तर पनि अक्षयले हिम्मत हारेनन् । अक्षयले ३१ वर्षको करिअरमा १५१ भन्दा बढी फिल्महरुमा काम गरेका छन् ।
अक्षयका लागि सन् २०१९ वर्ष निकै राम्रो रह्यो । उनले उक्त वर्ष ३ हिट फिल्महरु दिए भने उक्त फिल्महरुले २०० करोडभन्दा बढी कमाई गर्यो । अक्षयलाई २००९ मा पद्मश्रीबाट सम्मान गरिएको थियो ।
