काठमाडौं । मित्रराष्ट्र चीनको प्रतिष्ठित परोपकारी संस्था चिनियाँ च्यारिटी फाउन्डेसनले नेपालका सरकारी प्राथमिक विद्यालयमा अध्ययनरत बालबालिकाका लागि ४०० थान सामग्री प्रदान गरेको छ ।
ट्रान्स हिमालयन फ्रेन्डसीप सोसाइटी मार्फत उपलब्ध गराइएका ती सामानमा सर्जिकल फेसमास्क, चिनियाँ बाल्म, हात सफा गर्ने सामान र चित्रकलाका लागि क्रेयोन लगायतका सामाग्री रहेका छन् ।
कोरोनाभाइरस महामारीसँग जुझिरहेका नेपाली बालबालिकाका लागि चीनका जनताका तर्फबाट सानो तर महत्वपूर्ण सहयोग प्राप्त भएको र प्राप्त सामग्रीहरु विद्यालयहरु खुलेलगत्तै काठमाडौं उपत्यकाका विद्यालयहरुमा वितरण गरिने सोसाइटीले जनाएको छ ।
