एजेन्सी । बलिउड अभिनेत्री दीपिका पादुकोणले आफ्नो गर्भावस्थाको फोटोसुटका केही तस्विरहरू सामाजिक सञ्जालमा सेयर गरेकी छिन् ।
अभिनेत्रीले सोमबार साँझ आफ्नो इन्स्टाग्राम अकाउन्टमा तस्बिर सेयर गरेकी छिन् ।
यी तस्बिरहरु सेयर गरेर दीपिकाले एक किसिमले ती व्यत्तिहरुलाई जवाफ दिएकी छिन् जसले उनको प्रेग्नेन्सी फेक भनेका थिए । मिडिया रिपोर्टमा अभिनेत्रीको डेलिभवरी मिति २८ सेप्टेम्बर रहेको बताइएको छ ।
दीपिकाले यही वर्ष फेब्रुअरी २८ मा सामाजिक सञ्जालमार्फत आफू गर्भवती भएको घोषणा गरेकी थिइन् ।
दीपिका पादुकोणले सन् २०१८ मा रणवीर सिंहसँग विवाह गरेकी थिइन् । दुवैको पहिलो भेट फिल्म ‘गोलियों की रासलीलाः रामलीला’ को सेटमा भएको थियो । सँगै काम गर्दागर्दै दुवै प्रेममा परे र ५ वर्षको सम्बन्धपछि दुवैले विवाह गरे ।
दीपिका र रणवीर ‘गोलियों की रासलीलाः रामलीला’, ‘पद्मावत’, ‘बाजीराव मस्तानी’ र ‘८३’ मा सँगै देखिएका छन् । यसबाहेक दीपिकाले रणवीरको फिल्म ‘सर्कस’ मा पनि क्यामियो गरेकी छिन् ।
